Dumanonen ti 2,980 dagiti aftershocks a nailista ti PHIVOLCS agingga itay alas-otso ti bigat, kasaruno ti magnitude 7.8 a ginggined idiay Mindanao idi Lunes.
Manipud iti nasao a bilang, 783 dagiti naammuan ti lokasion na bayat a 61 iti narikna dagiti residente, nga addan kapigsa manipud magnitude 1.2 agingga 6.4.
Segun iti Bureau of Fire Protection (BFP), ngimmaton iti 53 iti death toll ngem agtultuloy ti pannakaipasidong daytoy iti beripikasion.
Adda iti Code Red Alert ti Davao Region ken SOCCSKSARGEN bayat nga agtultuloy iti rescue, retrieval, ken damage assessment operations kadagiti naapektaran a lugar.
Kenuna ti Office of Civil Defense (OCD) a madandanonen dagiti responders dagiti sigud nga isolated a komunidad, ngem adda pay laeng dagiti sumagmamano nga lugar a narigat a serreken gapu iti dadael a kalsada ken imprastraktura.
Kabayatanna, mapattapatta a nasurok 6,200 a pagadalan ken 3.2 a million nga agad-adal ken mannursuro iti naapektara ti ginggined, segun ti DepEd, bayat nga agtultuloy iti assessment iti kinalawa ti perdision.
Agtultuloy nga agpanpanawagan dagiti otoridad iti publiko nga agtalinaed nga alerto ken sumurot kadagiti abiso tapno masigurado iti kinatalged iti kangitingitan ti agtultuloy nga aftershocks.###
