LA UNION – Naidatagan ti kaso a panaglabsing iti R.A. 9165 wenno Comprehensive Dangerous Drugs Act iti maysa nga empleyado ti Department of Agrarian Reform (DAR)-La Union, kalpasan a naaresta iti insayangkat a buy bust operation iti nagtipon a puwersa ti Provincial Intelligence Branch ken PDEA Region-1, iti sango ti maysa a mall iti Barangay Biday, San Fernando City.
Iti suspek ket nabigbig iti nagan a Ronnie Domingo,37, addaan asawa,contract of service ti nasao nga ahensiya ti gobyerno, ken tubo ti Dagupan City, Pangasinan ngem agnanaed itan iti Barangay Urbiztondo, San Juan, La Union.
Nakumpiskar kenkuana iti maysa a plastic sachet ti maatap a shabu ken Php500.00 a buy bust money.
Base iti nakalap nga impormasyon ti Bombo Radyo kadagiti otoridad, nabayagen a mamon-monitor ti nasao a subject person, a maibilbilang kas high value target (HVT).
Iti suspek ket adda itan iti custodiya dagiti otoridad para iti umno a disposisyon.
