Nakakaala manen ti baro a record ni David Rush, residente ti Idaho a nalatak iti pannakagun-od na ti kaadduan a titulo iti Guinness World Records.
Daytoy ket babaen iti panangisuot na ti 32 a T-shirts iti las-ud laeng ti maysa a minuto.
Tapno magund-od iti record, kasapulan a makaisuot isuna ti 25 iti uneg ti maysa a minuto.
Nagbalin a karit iti rigat ti panaggaraw tunggal manayunan ti suotna a kamiseta.
Nupay kasta, nakaisuot isuna ti 35 ngem na-diskualipika dagiti tallo, a mabalin a gapu ti hems ken saan a naka-urnos a waistline.###
