BR LA UNION – Kinumpirma ni Mamamayang Liberal wenno ML partylist first nominee ken sigud a Senador Leila De Lima a nakaawat ti offer nga agbalin a paset ti house prosecution seknan iti impeachment case ni Vice President Sara Duterte.
Segun kenni De Lima, ni House Speaker Martin Romualdez ti timmawag kenkuana para iti nasao nga offer.
Inaklon ti sigud a Justice secretary a dagus na nga inawat iti diaya ti lider ti Kamara.
Naamwan a nakissayan iti panel members ti House prosecution, kalpasan a saan a napagasatan ti sumagmamano kadakuada a mangabak iti napalabas nga eleksiyon.
Namnamaen a mangrugi a trataren ti impeachment case inton sumrek ti 20th Congress.
Awan pay met iti inruar a reaksyon seknan daytoy iti biang ti Bise Presidente.
