Binabalaw ni ML Partylist Rep. Leila De Lima ti panagulimek ni Bise Presidente Sara Duterte kadagiti sexist remarks maipapan ti babbai.
Iti privilege speech na sadiay Kamara a napauloan ti “The Sound of Sara’s Silence,” kinuna ni De Lima a ti saan a panagsao ti Bise Presidente iti kangitingitan ti panangbastos kadagiti babbai ket mangipaay ti biddut a mensahe seknan ti panangimaton ken respeto.
Dinakamat na dagiti waragawag da Quezon City Representative Bong Suntay ken Atty. Ferdinand Topacio a mapapati a naaramid kas depensa iti Bise Presidente seknan ti reklamo nga impeachment.
Innayon na a ti panagulimek dagiti lider ti kastoy nga ket mabalin a pakaibatugan ti panangaklon ti panagbastos ken kaawan ti panagraem, nasken ket madusa iti linteg.
Innallukoy na dagiti pada na a mamanday-linteg a saan a tagiawanen dagiti sexist remarks nangruna ita a Women’s Month.
