Dumanonen ti 45 iti bilang dagiti pimmusay ken 17 dagiti mapukpukaw kalpasan ti magnitude 7.8 a ginggined a timmama idiay Mindanao idi Hunyo 8, 2026, segun ti Office of Civil Defense (OCD).
Nasurok 450 a tattao iti nasugatan bayat a 35,673 a pamilya manipud 199 a barangay iti Region 9, 11, 12, ken BARMM iti naapektaran ti ginggined.
Agtultuloy iti search and rescue operations babaen iti tulong dagiti nasurok 3,700 nga uniformed personnel, bayat a nailista met iti perdision iti 3,169 a pagtaengan ken mapatta-patta a ₱562.8 million a gatad ti imprastruktura.
Dumanonen ti 1,953 aftershocks iti nailista isu nga agtaltalinaed a suspendido iti klase kadagiti sumagmamano nga apektado a rehiyon, bayat nga agdeploy ti Starlink internet units ken relief assistance iti gobierno tapno suportaran dagiti residente.
Agtultuloy met a maparparegta iti publiko nga agbalin nga alerto kadagiti aftershocks, isagana iti go-bag, ken suruten dagiti abiso ti OCD ken PHIVOLCS para iti kinatalged.###
