Nanayunan ti tallo nga indibidual dagiti pimmusay gapo iti napigsa a gingined a dumanon ti magnitude 6.9 a dimmayeg idiay Bogo City, Cebu idi Setyembre 30.
Segun ti National Disaster Risk Reduction and Management Council (NDRRMC), addan ti pakabuklan a 79 dagiti pimmusay, 559 dagiti nandundunor, ken awan pay iti naireport a mapukpukaw.
Aganay 5,000 nga indibidual met iti agtaltalinaed kadagiti 17 nga evacuation centers bayat nga dagiti dadduma ket agtatalinaediti sabali a lugar.
Iti agdama, nakapaisidong iti probinsia ti Cebu ti state of calamity gapu ti kadakkel ti persidion nga impaay ti napigsa a gingined.
