Kumpyansa ni Senator Migz Zubiri a makissayan ti panagdependar ti Pilipinas kadagiti foreign suppliers para kadagiti aliokamen pang-depensa ken Lalo payen a mapatibker ti defense capability ti agilian tatta a naan-anayen a nagbalin a linteg iti Self-Reliant Defense Posture Revitalization Act wenno SRDP Act.
Segun kenni Zubiri, a principal author ken sponsor iti gakat idiay Senado, agbalin a dakkel a katulongan iti linteg maipapan iti defense forces ken ekonomiya ti Pilipinas.
Agsipud daitoy a kabaelanen ti pagilian ti mangpataud wenno ag-manufacture kadagiti bukod tayo nga defense equipment imbes a gumatang iti alikamen kadagiti gangganaet a pagilian.
Maibilang met kas “game changer” daitoy agsipud ta manipud iti panagbalin a dependent kadagiti foreign suppliers ket agbalin tayon a producer iti global defense arena.
Agtalek met ti mamanday-linteg nga agbalin a pundasyon daitoy para iti napigpigsa ken natibtibker a defense industry ti Pilipinas aglalo kadagitoy a sangsanguen a potential geopolitical challenges a mabalin a mangsabotahe kadagiti military supplies.
