BR LA UNION – Pormal a kiddawen ti kampo ni sigud a Presidente Rodrigo Duterte kadagiti mahistrado ti International Criminal Court (ICC) nga isubli ti sigud a presidente kadagiti Pilipino ken iti pamilya na.
Ti panagsango na iti pagukuman, inlatag ni defense counsel Nicholas Kaufman iti sumaruno nga addang ti bunggoy da kas depensa ti sigud a presidente.
Ti panagapela iti korte, binirngasan pay ti abogado ni Duterte kas Tatay Digong ken inusar ti nainget a panawagan a: “Give him back to his family.”
Ranta ti manipestasyon nga idanon iti ICC ti sentimyento ken posisyon dagiti taga-suporta ken pamilya ti sigud a presidente ti Pilipinas.
Ti nasao nga addang ti depensa ket kasaruno iti agtultuloy a panagdengngeg ken panangiplastar dagiti ebidensya idiay ICC seknan iti insayangkat nga imbestigasyon iti nadara a drug war ti napalabas nga administrasyon.
