BR LA UNION – Nagpanawagan ti defense team iti respeto ti prosekusyon ken panang-liklik ti “side comments” iti impeachment trial ni Vice President Sara Duterte idi kalman, Agosto 12, 2026.
Kimmiddaw ni Atty. Kristine Ferrer, ti respeto manipud kadagiti pada na nga abogado kalpasan ti nabara a sinnukat da ti waragawag kenni private prosecutor Lorna Kapunan.
Nagramot ti isyu iti nabara a panag-sinnungbat da Atty. Kristine Ferrer ken Atty. Lorna Kapunan kabayatan ti cross-examination kenni Commission on Audit (COA) Auditor Xylene del Campo.
Nadakamat ni Kapunan iti waragawag na ti maipapan iti pananglapped ti bagi na nga ipaayan ti “spanking” wenno “lecture” iti abogado ti depensa.
Gaputi daytoy, kiniddaw ni Ferrer iti Senate Impeachment Court a saan nga ipalubos dagiti nasao a komento gaputa propesyonal da amin ken maiparbeng ti rinnespeto.
Insungbat met ni Presiding Officer Francis Escudero, nga imbabawin ni Atty. Kapunan dagiti komento na ken nagkari nga ag-behave iti rekord ti korte.
