BR LA UNION – Imbaga ni Senador Ronald “Bato” dela Rosa ita nga aldaw ti Martes,a maysa kadagiti makagapo nu apay a nagpakita ken nagsubli iti trabaho kalpasan ti sumagmamano a bulan a panaglemmeng ket gaputi ba-in na iti publiko.
Segun kenni dela Rosa, adu ti napapateg nga isyu idiay Senado a kasapolan ti presensya na, kabilang ti panagbaliw iti liderato ti Senado ken iti panagtugaw na iti impeachment court ingkaso a maipatulod iti articles of impeachment.
Malaksid dayta, imbaga ti senador a naapektaran isuna kadagiti panang-dillaw ti publiko a maipagarop nga umaw-awat ti sweldo nga uray saan nga agpakpakita ken saan nga agtrab-trabaho.
Impaganetget na, maipagarop a saanna nga ugali ti umawat ti bayad nga awan ti katukad a serbisyo isunga nagdesisyon nga agsubli iti trabaho.
Nangrugi a saan a nagpakita iti publiko, innem a bulan ti napalabas idi imbaga ni Ombudsman Crispin Jesus Remulla a maipagarop nga addan ti warrant of arrest ti International Criminal Court (ICC) kontra kenkuana seknan iti nadara a kampanya kontra ilegal a droga idi administrasyon ni sigud a Presidente Rodrigo Duterte.
Ni dela Rosa iti nagserbi a hepe ti Philippine National Police idi kangitingitan ti drug war campaign.
Nabiit pay a kinumpirma ti ICC nga adda nairuar a warrant of arrest kontra iti senador idi Nobyembre 6, 2025.
