Nakissayan ita ti delagasyon para iti maangay a South East Asian (SEA) Games idiay Kuala Lumpur Malaysia ita nga bulan.
Immuna ditoy, nagpasar ti nakaro nga injury ni Christian Emmanuel Reyes maysa manipud iti dua a pambato ti Philippine Cycling Federation kalpasan daytoy a simmemplang iti training.
Mainaeg iti daytoy, aminado ti kakaisuna a pambato ti clycling truck a ni Mervin Corpuz, tubo ti Naguilian, La Union, nga adda panagdanag na iti kompetisyon.
Nupay kasta, ikagumaan na met ti amin tapno mangabak ken makaiyawid ti pammadayaw para iti pagilian.
Kabayatan na, dumanon iti 37 sport ti paglalaban ti 493 nga atleta manipud kadagiti pagilian a mangbukbukel ti Sea Games.
