Target ti House Committee on Justice a matalantan iti impeachment complaint maibusor kenni Presidente Ferdinand Marcos Junior inton Pebrero 2 aginggana Pebrero 4, 2026.
Segun ken ni House Committee on Justice Chairperson Rep. Gerville “Jinky Bitrics” Luistro a kasapulan nga i-consolidate dagiti impeachment complaints a maidandanon iti komite, maitunos iti patakaran ken proseso ti Kamara.
Ti konsolidasion ket maaramid iti umuna a panagdingeg ti komite ken prerogatiba daytoy ti Justice Committee, saan a dagiti nagreklamo.
Kenunana, apaman a napagtitipon, maibilang dagiti reklamo kas maymaysa a kaso ken aggigiddan a matalantan.
Inpakaammo pay ni Luistro a para kadagiti umuna a panagdengngeg, ipamaysana iti panangkita ti sufficiency in form ken substansia dagiti reklamo.
No kasapulan, maiyeskediul iti kanayonan a panagdengngeg kadagiti sumaganad a lawas.
Ti umuna a panagdengngeg, dagiti isponsor dagiti reklamo maipapan iti impeachment ket manamnama a mangipila kadagiti sponsorship speech sakbay a mangrugi ti pormal a panagsukimat.
Impaganetget pay ni Luistro nga addaan ti 60 nga aldaw iti komite kas maibasar iti impeachment rules ti Kamara,tapno makasubmitir ti report isu a saan a mabalin a madarasudos ti proseso.###
