No idileg iti dadduma a kita ti virus mas nabilbileg iti epekto na ti Delta variant segun kenni Dr. Guilvic Aspiras, Presidente ti La Union Medical Society ditoy La Union.
Iti pannakiuman ti Bombo Radyo La Union kenkuana, kinuna na a manipud iti maysa ket mabalin na nga apektaran ti 8 a tao.
Numan parehasda laeng ti symtomas/senyales na ti Delta kadagiti dadduma a variants ti virus
makunkuna a naparpartak ti epekto daytoy.
Malaksid iti Covid 19, Delta, Beta ken Alpha, madama met ita ti monitoring iti Lambda varianta ti agdama ket variant of interest pay laeng ditoy pagilian. Numan awan pay laeng ti kaso ti Delta ditoy La Union.
Innayon na pay a kabilang kadagiti nangato ti posibilidad na a maapektaran ti virus ket dagiti senior citizens; adda commorbities ken dagiti saan pay nga nabakunaan.
Impaganetget na pay ti opisyal amin nga available a bakuna ita nga us-usaren ket nabileg isu nga awan ti rumbeng a pagdanagan no sadino ti Pfizer ken AstraZeneca ket dua kadagiti adu a bakuna ti napaneknekkan nga nabileg kontra iti Delta variant.
Mainaeg iti bakuna, awan pay ti ebidensya a kasapolan ti booster shots.
Nupay kasta, kasapolan nga ipangruna iti panangsurot ti health protocols ken safety standards.
Inallukoy na ti kaaduan nga agpabakuna agsipudta dakkel iti maitulong na daytoy tapno mas maprotektran iti bagi.
