Nadlaw ti Department of Agriculture (DA) iti kellaat a panagtriple ti demand ti P20 rice, kagiddan ti agdama a krisis a mapaspasaran ti pagilian.
Gapu ti daytoy, pinalawa pay ti ahensia iti oras ti operasion dagiti kadiwa outlet a pakagatangan ti nadakamat a bagas, ken nagnayon ti manpower ken stock.
Agtultuloy met ti panagapit iti agdama isu a namnamaen ti ahensia a masuktan ti baro nga stock dagiti adda iti bodega a nakatuding a mairuar kadagiti Kadiwa outlet iti nadumaduma a paset ti pagilian.
Saan met nga ik-ikkaten ti DA iti posibilidad nga ad-adda pay a ngumato iti demand kadagiti sumaruno nga aldaw.
