Agstrikto manen iti Department of Environment and Natural Resources wenno DENR iti kampanya da para iti panangsalimetmet gapo iti manamnama a nakaro nga epekto iti very strong El Niño.
Iti Malacañang press briefing ket imbatad ni DENR Secretary Juan Miguel Cuna a kasapulan a liklikan iti panagsayang iti danum kabayatan iti manamnama a kaawan iti tudo kadagiti sumaganad a bulan.
Karaman kadagiti dinakamat na nga addang ket ti panangkissay ti mausar a danum iti panagbuggo iti lugan, panagdalus iti driveway, ken dadduma pay nga aktibidad.
Inallukoy na dagiti pamilya ken komunidad nga urnongen ti danum manipud iti tudo ken usaren dagitoy a pangbuggo wenno pagsibug iti mula.
Maipatungpal met kadagiti golf course ti panangaramat ti recycled water kadagiti aktibidad a saanen a kasapulan pay iti nadalus a danum.
Kabayatanna, imaton iti National Water Resources Board iti panangitukon ti danum a mainom, irigasyon, ken panangpataud iti kuryente.
