LA UNION – Dinayaw ti Department of Environment and Natural Resources (DENR) ti Bombo Radyo ken dagiti residente ti Barangay Sta. Monica, Bauang, La Union gapu ti pannakaisalakan ti napaltugan a brahminy kite eagle.
Sigun kenni La Union Provincial Environment and Natural Resources Officer (PENRO) Alfredo Racoma Jr., maragsakan daytoy gapu iti impakita a panangisakit dagiti residente a nakapidot iti nasao nga agila ken dagus a naipakaammo daytoy iti opsinada babaen ti Bombo Radyo.
Kinuna pay opisyal, temporaryo nga adda iti sidong ti wildlife center ti billit ken maibulos met laeng daytoy iti kabakiran no sumayaaten ti kasasaadna.
Immuna iti daytoy, impakaammo dagiti residente iti nasao a barangay babaen ti Bombo Radyo La Union maipapan ti kasasaad ti nasao a billit tapno naparpartak iti pannakaisalbar daytoy ken maipaima kadagiti masiknan.
Atapen dagiti nakapidot a napaltugan ti nasao nga agila isu a nasugatan daytoy.
