Ad-adalen ti Department of Agriculture (DA) iti singasing a ₱210 tunggal kilo a floor price para kadagiti sibibiag a baboy, kalpasan a bimmaba ti farmgate prices iti ₱120 agingga ₱150 tunggal kilo.
Segun kenni Agriculture Secretary Francisco Tiu Laurel Jr., kiddawen ti ahensia kadagiti gumatang a surotenda iti presio, ngem awan ti legal a bileg a mangipatungpal daytoy kas mandatory floor price.
Kabayatanna, kenuna ti DA a karaman kadagiti rason ti panagbaba ti presio ket iti napartak a panaglako dagiti raisers gapu iti panagbuteng iti African swine fever (ASF).
Maibasar iti Bureau of Animal Industry, dimmanon iti 541,405 a metriko tonelada iti pork imports manipud Enero agingga iti Hulio, wenno sangapulo a porsiento a nangatngato ngem iti kapada a panawen idi 2025.###
