Ilunglungalong ti Department of Agriculture (DA) iti panagngato ti taripa iti imported pork tapno matulungan iti lokal nga hog raisers nga apektado ti panagbaba ti farmgate prices iti ₱120 agingga ₱160 tunggal kilo.
Segun kenni Agriculture Secretary Francisco Tiu Laurel Jr., pagsarsaritaan daytoyen kadagiti economic managers, karaman iti posible a panagsubli ti sigud a 30 porsiento in-quota ken 40-percent out-quota tariffs, manipud iti agdama a 15 ken 25 porsiento.
Supsuportaran met ti ahensia iti singasing a ₱210 tunggal kilo a floor price para kadagiti live hogs, ngem target laeng daytoy ken awan pay ti legal a basaran tapno ipatungpal kas mandatory price.###
