Impasigurado ti Department of Agriculture (DA) nga addaan ti umdas a supply dagiti agricultural products iti pagilian kasaruno ti krisis idiay Middle East.
Segun kenni Agriculture Secretary Tiu-Laurel, addaan ti agingga 90 nga aldaw iti stock dagiti agricultural products.
Innayon na pay nga uray iti bagas ket saan a maaddaan ti problema iti supply gapu ta madama ti peak harvest season.
Agtaltalinaed met nga umdas iti supply dagiti sumagmamano a produkto kas iti mais, asukar, sibuyas, ken sumagmamano a nateng.
Pinunasna iti panagdanag ti publiko agsipudta awan ti makitkitana nga aniaman a panagngato iti presyo dagiti agricultural products.###
