LA UNION – Sinuspendi ti Department of Agriculture iti panagangkat dagiti domestic ken wild birds manipud Australia kasaruno iti naipadamag nga outbreak ti avia flu ti nasao a pagilian.
Daytoy ket maiyannurot iti memorandum order a napetsaan ti June 6, 2024 nga impaulog ti Department of Agriculture.
Maipalagip nga idi Mayo 23 agdama a tawen ket naipadamag nga adda outbreak ti H7N3 ken H7N9 idiay Meredith ken Terang, Australia idi May 25, kas kinumpirma ti Australian Center for Disease Preparedness.
Kabilang kadagiti produkto nga ipawil nga angkaten ti Pilipinas ket poultry meat, day-old chicks, itlog ken semen.
Iti H7N3 ken H7N9 ket subtypes iti highly pathogenic avian influenza virus.
Iti H7N9 ket klase ti Avian Influenza A(H7) a masansan pagtaudan ti human infections, segun iti US Centers for Disease Control and Prevention (CDC).
Bayat a ti human infections ket saan a gagangay, iti H7N9 ket mangigubway ti severe respiratory illness ken pakat-katayan ti aganay 40% iti amin a kaso, segun iti US Centers for Disease Control and Prevention.
