Nangipatungpal ti Department of Education (DepEd) ti nair-irot a dusa kontra kadagiti estudyante a karaman iti seryoso a bullying, pisikal a panangdaran, pangta ken dadduma pay nga high-risk offenses, maitunos iti DepEd Order No. 006, s. 2026 wenno Guidelines on Ensuring a Safe and Motivating Learning Environment (ESMLE).
Para iti second-level wenno serious offenses kas iti paulit-ulit a bullying ken online harassment, mabalin a maipataw iti suspension nga agingga lima nga aldaw ken mandatory referral iti Department of Social Welfare and Development (DSWD) iti umuna a panaglabsing, a mabalin nga agbanag iti non-readmission iti maikadua ken exclusion iti maikatlo.
Para met iti third-level wenno high-risk offenses, karaman iti nakaro a pisikal a panagdangran, bomb threat ken dangerous hoaxes, mabalin a maipataw iti non-readmission iti umuna a panaglabsing, permanente nga exclusion iti maikadua ken dagos a referral iti law enforcement.
Segun kenni Education Secretary Sonny Angara, maikkan ti gundaway nga agbaliw dagiti aglablabsing ngem saan nga ikompromiso ti DepEd iti kinatalged dagiti dadduma nga agad-adal.
Mabalin met a mangipatungpal iti school head ti agingga 30 nga aldaw a preventive suspension bayat a maim-imbestigaran iti kaso no adda ti agtultuloy a peggad iti kinatalged ti campus.###
