Nagpalagip ti Department of Education (DepEd) kadagiti mannursuro ken school personnel iti panangtaginayon ti propesional ken etika a kababalin iti panagusar ti social media, karaman iti panagannad kadagiti posts a mainaig kadagiti estudiante ken iti trabahoda.
Segun iti DepEd, saan nga automatiko a kaipapan a natalged manipud iti professional standards iti maysa a social media account gapu laeng ta naka-private daytoy. Rumbeng a maipaayan ti partikular nga atension iti content maipapan kadagiti estudiante, aktibidad iti siled-pagadalan, school premises ken opisial a trabaho.
Impaganetget pay ti ahensia a rumbeng a liklikan iti personal a panangatakar kadagiti kakadua, content a mabalin a mangdadael iti reputasion ti DepEd, ken panangiwaras ti biddut nga impormasion. Rumbeng met a siguraduen a saan a maus-usar dagiti estudiante iti content a mabalin nga agtungpal iti pannakauyaw, harassment wenno saan a rumbeng a public scrutiny.
Maitunos ti palagip iti DepEd Order No. 007, s. 2026, a mangibagbaga a nupay saan daytoy a kangrunaan a mangkonkontrol iti personal a panagusar ti social media, mabalin a maipaulog iti regulasion no ti account ket naglaon iti opisial a komunikasion ti DepEd wenno apektaranna iti imahe, reputasion wenno trabaho ti ahensia ken dagiti personnel daytoy.###
