Nangipatungpal iti Department of Health (DOH) ti Leptospirosis Fast Lane kadagiti 33 a government hospital idiay Metro Manila, Cordillera Administrative Region, ken Regions I, II ken III tapno mapapartak iti panangagas kadagiti pasiente nga agkasapulan ti dagos a medikal nga atension.
Karaman kadagiti ospital iti San Lazaro Hospital, East Avenue Medical Center, Rizal Medical Center, Philippine Heart Center, National Kidney and Transplant Institute, ken Philippine Children’s Medical Center.
Segun ti ahensia, mapappapigsa met iti hospital referral system ken surge capacity management tapno masigurado iti umdas nga hospital beds, suplay ti agas, ken maliklikan iti panaglilinnetlet dagiti pasiente.
Agingga Agosto 22, nakalista iti ahensia ti 4,285 a kaso ti leptospirosis nationwide—37 porsiento a nababbaba maiyarig iti 6,839 a kaso iti kapada a panawen idi 2025.
Nupay kasta, ngimmato dagiti kaso kadagiti napalabas a lawas, partikular idiay NCR, Region II, ken Region III.
Impakdaar ti ahensia, mabalin pay a manayunan iti kaso gaputa lima agingga 15 nga aldaw iti incubation period ti leptospirosis kalpasan a naiyuper iti layos.###
