Department of Public Works and Highways ditoy La Union rinugiandan ti agsullat kadagiti abut dagiti kalsada.

Rugruggianen iti DPWH wenno Department of Public Works and Highways iti agsullat kadagiti abut dagiti kalsada ditoy probinsia a La Union. Dayoty ket babaen ti kiddaw ni Gobernador Rafy Ortega David ken kasta metten ken ni Engineer Ressie Estrella, Provincial Engineer ti La Union.

Maipalagip nga adda dagiti naabutan a paset dagiti kalsada gapu kadagiti nagsasaruno a bagyo. Nakikoordinar Provincial Government ti La Union kadagiti opisina ti Department of Public Works and Highways ditoy Region 1 iti opisina ni Dir. Ronnel Tan ken kadagiti district offices ti nasao nga opisina iti umuna ken maikadua a distrito ti La Union.

Gapu iti daytoy ket nataltalged itattan ti panagbiahe dagiti motorista gaputa awanen dagitoy nga abut kadagiti kalsada.