Inlawlawag ti Department of Education (DEPED) a ti work from home (WFH) policy tunggal Biernes ket para laeng kadagiti non-teaching personnel kadagiti DepEd offices.
Segun ti ahensia, agtultuloy a sumrek dagiti mangisursuro ken school-based staff kadagiti pagadalan.
Nakalanad iti DepEd Memorandum a ti WFH tunggal Biernes ket saklawen laeng dagiti non-teaching para kadagiti adda iti central, regional ken division offices.
Napateg a sumrek dagiti teaching personnel ken ituloy dagiti agdama nga schedules ken siguraduen nga agtultuloy ti klase.
Ti nasao a patakaran ket naibasar iti panggep ti gobierno a makasalimetmet ti enerhia babaen iti panangipatungpal ti 4-day work week para kadagiti sumagmamano nga ahensia ti gobierno.###
