LA UNION – Sinungbatan ti Department of Education Regional Office 1 babaen kenni DepEd Region 1 Public Affairs Unit Head and Spokesperson Cesar Bucsit, iti arungaing dagiti nagannak maipapan iti modular learning.
Partikular iti maipapan ti naibunong kadagiti parent a module a nakailanadan iti questions ken multiple choices a sungbatan dagiti ubbing, ngem dagiti nagannak iti nabilin nga ag-check ken mangikabil iti pakabuklan nga iskor iti anak, kalpasan na, maisumite iti maseknan a teacher.
Inlawlawag ni Bucsit nga iti eksaminasyon iti Modular Distance Learning ket nabingay iti dua.
Dagitoy ket maaw-awagan a Free Test ken Summative Test.
Segun kenni Bucsit, iti arungaing dagiti nagannak ket isuti maaw-awagan a Free Test, ket maysa daytoy a free assessment kadagiti ubbing wenno ditoy a marukod ken madetermina dagiti nagannak iti kabaelan ken nasuro iti ubing, ngem awan ti epekto na iti grado ti ubing nga aggapo iti mangisursuro.
Iti met Summative Test ket isuti examination proper nga agtaud mismo iti teacher, saan a maisurot iti module, naka-separate, ken eksklusibo para iti teacher, nga isuna laeng iti mang check ken mangited ti pakabuklan nga iskor iti estudyante.
Mainaig ti daytoy, kinuna ni Bucsit a dagiti nagannak ti agserserbi ita a representative dagiti teachers ket immapela ti pannaka-awat iti agdama a wagas ti edukasyon iti tengnga ti pandemya.
Nagbalakad pay ti opisyal nga agadal a naimbag iti tengnga ti pandemya tapno saan a masayang ti oras.
