LA UNION – Naminsan manen a nagpalagip ti Department of Education (DepEd) Regional Office-1 maipapan ti madama a maang-angay nga early registration para kadagiti estudyante a sumrek iti school year 2021-2022.
Iti pannakiuman ti Bombo Radyo kenni DepEd Regional Office-1 Public Affairs Unit head Cesar Bucsit, kinunana a tarigagay ti early registration a maisagana dagiti pagadalan para iti panangrugi manen ti klase iti masungad nga school year ken masakbayan a masungbatan dagiti posible a rumsua a parikot.
Kangrunaan a pinalagipan ni Bucsit dagiti nagannak nga addaan ti estudyante a sumrek kas kindergarten, grade 1, grade 7, ken grade 11 nga ipalistan dagiti annakda kadagiti kaasedgan a pagadalan.
Ti early registration ti DepEd ket nangrugi idi March 26 ken agpatingga inton April 30.
