Pinaregta ni Deputy Speaker Yasser Balindong manipud Lanao del Sur ni Baguio City Mayor Benjamin Magalong nga agkiddaw ti pammakawan iti Moro community gapo iti panagusar na ti sarita a “moro-moro” tapno tagibassiten iti imbestigasyon ti Kamara seknan ti flood control projects.
Impaganetget ni Balindong a saan a rumbeng nga aramaten iti kultura kas kasukat iti kultura ken iti kinapudno a nakaramot iti pakasaritaan.
“The term is not harmless. It carries with it a legacy of distortion and vilification of the Moro people. To trivialize that history is deeply offensive.”
Iti Moro-Moro ket maysa a dula idi panawen dagiti Espanyol a nausar tapno tagibassiten ken insultuen dagiti Muslim.
“For us Moros, it is more than a word—it is a reminder of centuries of prejudice.”
“To invoke it in this context is to disparage not just the House inquiry, but our people as well.”
Kenunana, kas lider ket rumbeng nga ipakita ni Magalong iti panagkumbaba babaen ti panangibabawi ti nagbalin a waragawag na. Sigurado met isuna iti kredebilidad ti masaysayangkat nga imbestigasyon ti Kamara nga adda pay laeng iti umuna a paset agsipudta maiganganuat daytoy nga addaan ti kinalawag, hustisya, ken accountability.
Nabukel idi kallabes iti Tri-Committee a buklen ti Public Accounts, Good Government and Public Accountability, ken Public Works and Highways—tapno idauluan iti panagamiris iti P545 billion flood control program.
Awan pay ti pormal nga hearing ngem immunan a nangipaay ti briefing iti DPWH iti Committee on Public Accounts.
