Maitunos iti House Rules ti designation ni Marikina Representative Stella Luz Quimbo kas acting chairperson ti House Committee on Appropriations.
Daytoy ket kalpasan a nagikkat ni sigud nga Appropriations panel chair Ako Bicol Representative Elizaldy Co gapu iti isyu ti salun-at.
Segun kenni House Secretary General Reginald Velasco, daytoy ket nakailanad ti Rule IX – The Committees, patikular ti Section 32 on Vacancy and Succession ti Rules ti Kamara de Representantes iti 19th Congress.
Espesipiko a dinakamat ni Secretary General Velasco nga in case of absence wenno temporary incapacity ti committee chairperson, ti kangatuan ti ranggona a vice chairperson wenno aniaman a miembro a sumaruno iti ranggo ket automatiko nga ag-akem ti position ti chairperson agingga nga agsubli daitoy iti trabahona.
Nu maipapan met ti vacancy of position ti committee chairperson, ti sumaruno iti succession iti committee list ti ag-assume iti nabakante a pwesto isu a ti designation ni Representative Quimbo kas Officer-incharge (OIC) chairperson ti House Appropriations Committee ket maitunos iti house rules.
Kas Officer-in-charge ti Appropriations panel chair, ni Quimbo ti mangaramid kadagiti trabaho ti chairperson.
Kinuna ni Velasco a dumalan ti plenaryo ti panangidutok ti baro a chairman ti maysa a komite ken ti designation ni Quimbo ket tapno masigurado nga awan ti masinga nga operasion.
