Impaganetget ti Department of Foreign Affairs (DFA) a kanseladon dagiti dua a pasaporte ti pugante ken sigud a mammanday-linteg a ni Elizaldy Co.
Karaman ditoy iti regular ken diplomatic passport ti sigud a kongresista.
Iti maysa a waragawag, kenuna ti ahensya nga iti estado dagiti pasaporte ni Co ket dagos a naireport iti International Criminal Police Organization (Interpol) kalpasan a makansela daytoy idi Disyembre, napalabas a tawen.
Isu a posible nga “expired” a pasaporte ti inusar ni Co tapno makalasat idiay Czech Republic.
Dagiti dadduma a regular passport a nagpaso idi Setyembre 2022, a posible nga inusar ni Co iti panagturongna idiay Germany manipud Czech Republic, ket saanen a kasapulan a kanselaren pay gapu ta expired daytoyen ken saanen a mausar para iti international travel.
Immunan a naipadamag nga iti agdama ket adda idiay France ni Co tapno agkiddaw ti political asylum, kalpasan a maipasidong iti kustodiya ti Czech Republic gapu ti maipagarup nga immigration violation.
Maan-anup iti sigud a mammanday-linteg gapu ti maipagarup a pannakairamanna iti maanomalya a flood control projects ti gobierno.###
