Kinontra ti Department of Foreign Affairs (DFA) iti impakat ti Estados Unidos a 12.5% a taripa kadagiti sumagmamano a produkto manipud ditoy Pilipinas, kalpasan iti alegasion ti Washington a saan nga umdas iti panangipatungpal ti pagilian kontra iti forced labor iti supply chain.
Impaganetget ni DFA spokesperson Analyn Ratonel nga awanan ti basaran iti nasao nga alegasion ken nabayagen nga iparparit ti pagilian iti forced labor kadagiti produkto nga ibibiahe daytoy.
Innayon ti ahensia, agtultuloy a papigsaenda ti legal framework ken enforcement mechanisms tapno ad-adda a masigurado iti panangtungpal kadagiti international labor standards.
Ti baro a taripa iti mangsukat ti temporario a 10% rate ken maipatungpal kas paset ti addang ti Estados Unidos maibusor kadagiti pagilian a maipagarup nga agkurkurang iti pannakaipatungpal ti pannakaiparit ti forced labor.###
