BR LA UNION – Kinumpirma ti Department of Foreign Affairs a natayen idi masarakan ti maysa nga overseas Filipino nga immunan a naipadamag a mapukpukaw kalpasan iti magnitude 7.7 a gingined idiay Myanmar.
Iti maysa a mensahe, binigbig ni DFA Undersecretary Eduardo De Vega iti biktima a ni Francis Aragon.
Segun iti ahensya, naipaka-ammon iti pamilya ti natay a Pilipino iti pasamak ken agdama a sitwasyon.
Kas panang-respeto kunana iti naulila a pamilya ket saan da pay a mangiruar ti kanayunan nga impormasyon seknan iti napasamak.
Siniguro ti DFA nga agtultuloy ti panangsapol kadagiti Pilipino a mapukpukaw kalpasan ti napigsa a gingined.
Immuna ti daytoy, kinumpirma iti kabsat ti biktima iti impormasyon a nasarakanen ti bagi ti Pilipino.
