BR LA UNION – Kinumpirma ti Department of Foreign Affairs (DFA) nga awan ti nairaman a Pilipino a nasugatan wenno natay iti dua a nagsaruno a napigsa a gingined a timmama idiay Venezuela.
Segun iti DFA, agtultuloy nga imon-monitor da iti sitwasyon babaen ti Embahada ti Pilipinas idiay Bogota, Colombia, a mangimatmaton kadagiti Pilipino idiay Venezuela.
Naki-koordinar metten iti embahada kadagiti Pilipino nga agnanaed idiay Caracas ken siyudad ti Barinas tapno masiguro ti kinatalged dagitoy.
Iti agdama, imbaga ti DFA nga awan pay iti naawat da a report nu adda iti Pilipino a nadunor wenno natay iti nasao a panagdayyeg.
Binalakadan ti ahensya dagiti Overseas Filipinos idiay Venezuela nga agtalinaed iti natalged a lugar ken agtultuloy a dumngeg iti abiso ti lokal a gobyerno ken kadagiti otoridad.
Maipalagip a maysa a magnitude 7.2 a gingined ti timmana iti laud a paset ti Caracas. Awan pay ti maysa a minute, napasarunwan ti napigpigsa pay a magnitude 7.5 a panagdayyeg.
Gapu kadagiti napipigsa a gingined, nagdeklara ti state of emergency iti gobyerno ti Venezuela tapno mapapartak iti panagresponde kadagiti apektado a lugar.
Iti agdama, umaboten ti 164 dagiti natay iti powerful twin earthquake ken nasurok 700 dagiti nasugatan.
