Nagkedked iti Department of Foreign Affairs (DFA) a mangipaay iti detalye iti estado ni Ako Bicol party-list Representative Elizaldy “Zaldy” Co, a naipadamag nga adda sadiay France bayat a sangsangwen dagiti kaso mainaig kadagiti nakorap a flood control projects ditoy Pilipinas.
Iti deliberasyon ti singasing a pondo ti ahensya ket dinamag ni Akbayan party-list Rep. Perci Cendaña iti kasasaad ni Co idiay France ken addan iti timeline para iti panagsubli na dity pagilian.
Segun kenni Misamis Occidental Rep. Sancho Fernando Oaminal, sponsor iti DFA budget, saan a mabalin nga ibinglay ti ahensya ti nasao nga impormasyon gappuanan ta confidential iti sidong ti French law dagiti asylum applications.
Impaganetget met ni Cendaña nga adda iti napateg nga akem iti DFA iti panagtulong a mapaawid dagiti Pilipino tapno sangwen ti kaso da ditoy.
Ni Co ket kadwa nga akusado ni sigud nga House speaker Martin Romualdez iti P7.4B plunder case nga impila ti Ombudsman seknan ti mapapati a kickback scheme kadagiti proyekto pang-imprastraktura ti gobierno, karamanen dagiti flood control.
Naglibas ni Co paballasiw-taaw idi Hulyo 2025 ken agingga ita ket saan latta a nakasubsubli ditoy Pilipinas.
