Nangiyebkas ti Department of Foreign Affairs (DFA) ti nakaro a panagdanag iti Chinese embassy kalpasan a kimmaro iti social media war iti nagbaetan dagiti opisial ti Pilipinas ken China gapu iti mapagsusupiatan a paset ti kabaybayan.
Segun ti DFA, impeksada ti “serious concerns” iti “increasingly public exchanges” iti nagbaetan ti Embahada ken dagiti opisial ti pagilian, karaman da Senador Risa Hontiveros, Kiko Pangilinan, ken Erwin Tulfo.
Impaganetget ti ahensia iti pannakasapul ti “sober, propesional, ken nadayaw a panagsinnukat” iti publiko kabayatan iti panangipateg iti nasional nga interes ken demokratiko a diskurso ti pagilian.
Malagip nga idi napalabas a lawas, insubmitir ti China ti diplomatic protest da babaen ti Philippine Ambassador a ni Jaime Florcruz kontra kadagiti waragawag ni Philippine Coast Guard spokesperson Jay Tarriela.
Sumagmamano a mammanday-linteg ti pagilian iti nangbabalaw iti China gapu iti inaramidna, ken inawaganda dagiti statements Chinese embassy kas “disrespectful and insulting.”
Dinakamat pay ti DFA a kasapulan ti naannad a panangipaay ti waragawag tapno saan a makaapektar iti “diplomatic space” a kasapulan tapno mapalag-an iti nagdumaan ti dua a pagilian iti maritime domain.###
