Impaganetget ni La Union Governor Mario Eduardo C. Ortega iti agtultuloy a panangpapigsa iti good governance wenno ti nasayaat a panangimaton ken modernisasion ti serbisio publiko iti State of the Province Address (SOPA) idi Hulyo 28, 2026 iti Speaker Pro Tempore Francisco I. Ortega Convention Center idiay Barangay Sevilla, City of San Fernando, La Union.
Segun ti gobernador, karaman kadagiti ilunglungalong ti administrasion na iti panangpalawa ti suporta kadagiti barangay, panangpapigsa ti relasion kadagiti civil society organizations, media ken dadduma pay nga stakeholders, kasta met iti panangipatungpal dagiti reporma iti organisasion ti gobierno.
Karaman met kadagiti prayoridad iti digital transformation tapno agbalin a naparpartak, episiente ken nalaklaka a madanon ti publiko dagiti serbisio ti provincial government.
Kenuna ni Gov. Ortega, dagitoy nga addang ket makatulong iti panangpapigsa ti panagtalek ken responsibilidad iti gobierno.###
