BR LA UNION – Awan pay ti naawat ti Department of Interior and Local Government (DILG) ken Department of Justice (DOJ) nga impormasyon mainaig iti maipagarop a pannakatiliw ni Senador Ronald “Bato” Dela Rosa.
Daytoy ket kalpasan a nagwaras iti report ita a malem ti Martes, Agosto 4, a maipagarop a naarestaren ti sigud a hepe ti Philippine National Police (PNP).
Sumangsango ni Dela Rosa iti kaso a crimes against humanity iti International Criminal Court (ICC) a nagramot iti war on drugs idi panawen ni sigud a Presidente Rodrigo Duterte, idi nagserbi a hepe ti PNP.
Immunan nga imbaga ni DOJ spokesperson Atty. Polo Martinez a saanna a makumpirma no adda napasamak a pannakaaresto.
Tinakderan met ti DILG nga awan pay ti anyaman nga impormasyon ti PNP mainaig iti pannakatiliw ni Dela Rosa.
Naudi a nakita ti senador iti publiko idi Mayo 12, idi timmabuno iti sesyon ti Senado, ngem kalpasanna ket maipagarop nga inlibas ni Senator Robinhood Padilla.
