DILG-Region 1, saan pay a kombinsido no nangabak ti apela ni Ex-mayor Gualberto iti CA
LA UNION – Saan pay a kombinsido ti Department of Interior and Local Government (DILG) Regional Office-1 no nangabak ti apela nga indatag ni sigud a San Fernando City, La Union Mayor Hermenegildo Gualberto iti Court of Appeals (CA).
Iti pannakiuman ti Bombo Radyo kenni Atty. Joseph Apolonio, Legal Officer ti DILG Regional Office-1, kinunana a naammuanda ti nasao a damag babaen iti social media wenno ti official statement iti Manong Dong Facebook page.
Sigun kenni Atty. Apolonio, ti makita ken maawatda a kopya iti desisyon ti CA iti makaibaga wenno pangibasaran a nangabak ti sigud nga alkalde iti kaso.
Innayon pay ti legal officer ti DILG, nakasaganada nga agtungpal no adda ti pammilin nga isubli iti pwesto kas alkalde iti syudad ti San Fernando ti appellant a ni Gualberto no adda iti natibker a pangibasaran.
Immuna iti daytoy, napartak a nagwaras iti social media ti official statement ti sigud nga alkalde a mangibagbaga a naawatdan ti pangeddeng ti CA a mangibasbasura kadagiti amin a pammabasol iti appellant ken iti sumagmamano a lawas ket makasublin daytoy iti pwesto.
“Ngayong gabi, nais kong ibahagi sa inyo ang isang magandang balita. Noong Setyembre 24, 2020 ay natanggap na ang hatol ng Court of Appeals sa ating apela na magkaroon ng patas at angkop na pagsisiyasat patungkol sa kasong inihain laban sa atin. NAPATUNAYAN ANG ATING PAGTINDIG NA WALANG GINAWANG MASAMA ANG INYONG ABANG LINGKOD PARA IPATANGGAL BILANG ALKALDE NG ATING MAHAL NA LUNGSOD NG SAN FERNANDO, WALANG BASEHAN ANG MGA PARATANG, AT WALANG NAWALANG YAMAN NG BAYAN. SA PAGBASURA NG COURT OF APPEALS SA PARATANG NA IBINIGAY SA AKIN, TAYO AY NABIGYAN NA NG PAHINTULOT NA BUMALIK BILANG TUNAY NA PINILI AT NILUKLOK NA ALKALDE NG SAN FERNANDO”, sigun iti official statement ti Manong Dong Facebook page.
