LA UNION – Aminado ni President Ferdinand Marcos Jr. a panawenen tapno i-level up iti reklamo nga idat-datag ti Pilipinas kontra iti China gapu kadagiti ar-aramiden nga agresyon idiay West Phil. Sea.
Segun kenni Pres. Marcos, addan ti nasurok 100 a protesta ken kapada a bilang dagiti démarches tapno sungbatan ti kaadda dagiti barko ti China iti kadanuman ti Pilipinas.
Kalpasan ti dandani dua a tawen a panangtamingna kadagiti paulit-ulit a pasamak idiay West Philippine Sea, pattien ni Presidente Marcos Jr. a nasken nga ad-adu pay ti aramiden ti Pilipinas malaksid ti diplomatic protests tapno mataming ti agresyon dagiti barko ti China iti baybay.
Idi Martes ket imbaga ni Foreign Affairs Secretary Enrique Manalo nga agsagsagana ti Pilipinas ken China para iti maisayangkat a bilateral consultation mechanism meeting inton Hulyo.
