Inbinglay ni Edson Esteban, trainer ti La Union Wrestling Team, dagiti karit iti panangisagana kadagiti atletana para iti Palarong Pambansa 2026 idiay Agusan Del Sur, a pakairamanan ti panangbantay kadagiti atleta a no dadduma ket rumuar wenno aglibas tapno mangan iti ruar, bayat ti panangipaganetgetna iti disiplina ken umno a nutrision a tulbek iti panagballigi.
Segun kenni Coach Esteban, napateg iti nainget a diet dagiti atleta a buklen ti itlog, nateng ken nangisit a kape, ken tunggal pannangan ket limitado iti maysa a tasa ti innapos tapno mataginayon iti umno a timbang.
Innayonna nga iti kanayon a panagensayo, pammati iti Diyos ken kinapakumbaba iti sumagmamano kadagiti pundasion ti panagsanay.
Inbinglayna pay iti panagpannakkelna iti progreso dagiti atleta a kenunana a kabaelanda nga iyaplikar dagiti isursurona iti ensayo ken mangabak kadagiti aktual a laban.
Tinagiragsak na met iti panagbalin na a paset ti koponan kas coach ti La Union Wrestling Team. Nupay kasta, nagpanawagan isuna ti agtultuloy a panagsuporta para iti team ken pinaregta dagiti atleta a saan nga agsardeng iti panagensayo uray awan ti kompetision tapno saan a mapukaw iti kondisionda.
