LA UNION – Naglaok a ragsak ken iliw iti marikrikna iti maysa a Pinay a nagturong idiay pagilian nga Australia idi laeng bulan ti Pebrero.
Iti eksklusibo a pannakiuman ti Bombo Radyo kenni Shasha Hodge, kinuna na nga awan ti pagdanagan ti pamilya na ditoy La Union agsipudta natalged da nga agassawa kenni Mr. Hodge ngem impeksa na iti gagar na nga agawid gaputi iliw kadagiti annak ken appo na.
Segun kenni Shasha, tourist visa laeng ti iggem na, nga agpaso inton bulan ti Mayo.
Nupay kasta, mabalin kunana nga i-extend ti panagtalinaed na sadiay, gaputa nakapasidong met laeng iti lockdown ti Australia gaputi COVID 19.
Kinuna ni Shasha, a disiplinado dagiti tattao sadiay isunga awan ti adu a kaso ti COVID 19.
Iti ayan da a lugar idiay Glen Innes, maysa a probinsiya idiay New South Wales, Australia ket adayu iti syudad isunga natalged kunana kontra COVID.
Kinapudno na, awan iti maipat-patungpal sadiay a mandatory iti panagsuot ti face mask ken awan met ti social distancing.
Nupay kasta, nadlawan na a disiplinado iti tattao sadiay, agsipudta awan unay iti rumrumwar kadagiti babbalay da.
Ni Shasha ket residente ti Sitio Kantingan, Barangay Quinavite Bauang La,Union.
