Ilunglungalong ni House Majority Leader ken Ilocos Norte Representative Sandro Marcos ti pannakadiskwalipikar kadagiti kakabagian dagiti pampubliko nga opisyales a maaddaaan ti kontrata iti gobierno.
Nakailanad daitoy ti House Bill 3661 nga impila ni Sandro a sumakop ti kakabagian dagiti pulitiko ti agingga Fourth Degree of Consanguinity.
Karaman kadagiti nadakamat a public officials iti daitoy a gakat ket dagiti mangidadaulo ti ahensya ken procuring entity, kasta met dagiti governing board members ken public officers nga addaan ti policy-determining, supervisory wenno managerial functions. Sakopen pay ti singasing ti career ken non-career service, uniformed personnel wenno militar.
Kinuna ni Representative Marcos a panggep ti impila na a gakat a mapapigsa ti accountability iti gobierno ken masiguro ti integridad ti panagserbisyo-publiko.
