Impasigurado ti Department of Migrant Workers (DMW) ti agtultuloy a koordinasyon da kadagiti nagduduma nga ahensya ti gobierno tapno papigsaen ti post-repatriation assistance kadagiti agaawid nga Overseas Filipino Workers (OFWs).
Karaman kadaitoy a programa ket ti profiling, skills assessment, job matching, livelihood assistance, ken National Reintegration Network job fairs kadagiti nagduduma a probinsya.
Segun iti DMW, saan laeng a natalged a repatriation ti ipangpangruna da prayoridad, nu ketdi, agraman pay iti panagbangon ken panangrugrugi manen iti biag dagiti repatriates kasta met dagiti pamilya da.
Maibasar ti kauddian a damag ket dumanon ti 10K a Pilipino dagiti na-repatriate manipud Middle East, karamanen dagiti dependents ti OFWs ken non-OFWs.
