Inawagan ti Department of National Defense (DND) a maysa nga “propaganda” iti deklarasion ti Communist Party of the Philippines–New People’s Army (CPP-NPA) a 4-day ceasefire a mangrugi inton Disiembre 25, alas-12 ti parbangon, agingga alas-11:59 PM ti Enero 1.
Segun ti DND, agtultuloy dagiti operasion ti militar ita nga holiday season kas iti panangipaay ti suporta ti Armed Forces of the Philippines (AFP) iti Philippine National Police (PNP) tapno mapagtalinaed iti peace and order kabayatan ti panagrambak ti paskua.
Kabayatanna, inallukoy ti DND dagiti nabatbati a kameng ti CPP-NPA a sumuko iti gobierno ken makitinnulong a mangparmek iti kinaranggas ken ikkan-dalan iti panangmantener ti kappia ditoy pagilian.#
