Inyendoro ti Department of Energy (DOE) iti National Grid Corporation of the Philippines (NGCP) dagiti 17 a renewable energy projects tapno maipasidong ti system impact study (SIS) a kasapulan tapno madakamat nu kabaelan dagiti grids ti kanayunan a supply ti kuryente.
Dumanon ti 3,800 megawatts (MW) ti posible a maipaay dagiti proyekto kadagit grids, pakairamanan ti wind, solar, hydro, ken battery energy storage systems (BESS) nga adda pakabuklan a 392 megawatt-hours.
Kadakkelan iti listaan ti 1,246-MW wind project ti CI San Jose Corporation a sinaruno met dagiti dadduma pay a proyekto kas iti 500-MW San Roque OSW, 180-MWp Agrovoltaic solar, ken 192-MWh BESS ti Embrace Nature Power.
Iti pakabuklan, dumanonen ti agingga 78 iti SIS endorsements ti ahensya ita laeng a tawen. Nangiruar da payen kadagiti uppat a certificates of endorsement iti ERC para met kadagiti solar ken diesel projects nga agur-urayen ti permits to operate.
