Nagpakdaar ti Department of Energy (DOE) kadagiti liquid fuel retail outlets a sumurot iti panangipaay ti fuel subsidy kadagiti kualipikado a tsuper.
Segun ti ahensia, mabalin a masuspendir wenno makansela ti Certificate of Compliance dagiti fuel stations a saan a mangipaay ti subsidy kadagiti drivers.
Nabilin met dagiti kompania ti langis a mangikabil ti signages ken Fuel Subsidy Program (FSP) lanes.
Iti sidong ti programa, mabalin a makaala dagiti benepisiario ti ₱1,500 per vehicle tunggal lawas a fuel subsidy iti uneg ti tallo a bulan.
Maibasar iti datos idi Mayo 18, dumanon ti 938 dagiti fuel stations a mangipapay ti subsidiya kadagiti public utility jeepney ken UV Express drivers.###
