Nangipatungpal ti price freeze iti Department of Energy (DOE) iti presio ti liquefied petroleum gas (LPG) idiay General Santos City, South Cotabato.
Segun ti ahensia, sakop ti price freeze iti LPG nga agdagsen ti 11 kilograms pababa.
Kasaruno daytoy ti State of Calamity a naideklara idiay GenSan gapu ti 7.8-magnitude a ginggined idi Lunes.
Agpaut ti price freeze iti presio ti LPG iti uneg ti 15 nga aldaw.
Immunan nga inpasigurado ti Energy Department nga adda ti umdas a supply ti oil products ken LPG kadagiti lugar a naapektaran ti napigsa a ginggined.###
