Nangiwaras iti Department of Energy (DOE), babaen ti Oil Industry Management Bureau (OIMB), dagiti inspection team kadagiti nadumaduma a paset ti Metro Manila tapnu masigurado nga ipatpatungpal dagiti gasoline station iti naiyanunsyo a kissay-presyo kadagiti produkto-petrolyo.
Naisayangkat iti inspeksyon kasaruno iti big-time oil price rollback tapnu masiguro a maipasa kadagiti motorista iti panagbaba ti presyo kadagiti gasoline station.
Segun iti ahensia, agtultuloy iti kapada nga operasyon kadagiti nadumaduma a rehiyon babaen kadagiti field office iti intero a pagilian.
Nagpakdaar met iti DOE a mabalin a mapaulugan ti mayannutop a pannusa ken administratibo a sanction dagiti fuel retailer a mapaneknekan nga aglabsing iti naituding nga allagaden ken presyo.
Inallukoy met ti ahensya iti publiko nga ireport babaen ti eGovPH App iti aniaman nga iregularidad iti presyo dagiti produkto a petrolyo tapnu dagus a maaksyunan dagiti otoridad.
