Ipalubosen ti Department of Energy (DOE) iti temporario a pannakausar dagiti produkto ti petroleo nga Euro2 para kadagiti napili a lugan ken industria tapno masigurado iti suplay ti gasolina iti pagilian.
Ti temporario a pannakausar dagiti Euro 2 fuels nga addaan ti nangato nga emission ket limitado laeng kadagiti lugan a dagiti modeloda ket manipud idi 2015 agpababa.
Mabalin nga usaren daytoy kadagiti tradisional a lugan ken industrial use kas kadagiti planta ti koriente ken generator, marine ken shipping industry.
Kenuna ni Energy Secretary Sharon Garin nga agar-aramidda kadagiti temporario nga addang tapno masigurado ti umdas ken accessible a fuel supply kadagiti sektor a maituktukon ti limitado a flexibility ita a panawen.###
